miércoles, 17 de enero de 2018

BIBLIOTECA AZUL

Compartimos con todos vós un fermoso videoclip con aire optimista realizado pola Asociación Familias Azuis que pretende eliminar falsos mitos e facer máis visible o autismo, os seus distintos espectros e en xeral, a diversidade.
Xa sabedes que o recuncho de Tambo é un espazo AZUL...
Agardamos que vos guste: "Nun mar azul".

jueves, 11 de enero de 2018

CLUB DE LECTURA

O venres 12 de xaneiro, entre as 12:00 e as 12:50 horas, no recuncho de Tambo, comezou a súa andaina o Club de Lectura formado polos axudant@s de biblioteca de 6º de Primaria.



Os encontros faranse os primeiros venres de cada mes.
O libro sobre o que comezamos a traballar é: "La lección de August" (R.J. Palacio_Ed. Nube de Tinta).
Animádevos a participar en vindeiras edicións!!!

CANCIÓN PARA O DÍA DA PAZ

Pasastes unhas boas festas de Nadal?
Pois agora arrincamos con outra etapa do curso...
O vindeiro martes 30 de xaneiro celebraremos no colexio o Día da Paz.
Como todos os anos temos unha chea de actividades programadas e unha delas, consistirá na interpretación en directo dunha fermosa canción: "Quixera" (Guadi Galego e Guillermo Fernández).
Haberá seccións solistas, seccións a coro e acompañamento de guitarra acústica.
Deixamos a ligazón para que poidades ir practicando a melodía e unha foto coa letra:


jueves, 21 de diciembre de 2017

BO NADAL 2017 E PRÓSPERO ANO 2018!!!

Despois dun longo e intenso trimestre, queremos desexarvos, dende o recuncho de Tambo, un bo Nadal e un próspero ano 2018.
Descansade moito, desfrutade da familia, xogade a escachar e sobre todo, procurade ler un chisco e recargar as pilas para chegar con moitas forzas a xaneiro e á recta final do curso.
Deixamos unha mensaxe dos axudantes de Biblioteca e algúns momentos da celebración do Nadal no Carballal: visita dos Reis Magos, concerto de panxoliñas, festas, etc.
Coma sempre queremos agradecer á ANPA "Viñas Blancas" a súa incrible colaboración.
Unha aperta!!!


E mirade que versión máis chula dun tema mítico do pop español acompañada polos nenos do Colexio Tajamar de Madrid.
Con el deséxannos Bo Nadal e celebran os 40 anos da creación do grupo "Los Secretos"...

martes, 19 de diciembre de 2017

"MARÍA E BRAIS"

O pasado 25 de novembro de 2017, Día Internacional Contra a Violencia de Xénero, recordamos no recuncho de Tambo un traballiño audiovisual que fixeron algúns alumnos/as que xa non están no cole na materia de Valores Sociais e Cívicos.
Agardamos que vos guste!!!

FICBUEU NA SATURNALIA

Hoxe chegou unha invitación do FicBueu para todo o alumnado do Carballal e as súas familias co gaio da celebración do día máis curto do ano.
Este ano será o vindeiro xoves 21 de decembro e xa van pola cuarta edición.
A organización, xunto co Concello de Bueu e outras entidades, ten preparadas unha serie de proxeccións de curtas para celebrar esta data.
A sesión infantil será ás 17:30 no Centro Social do Mar.
Non faltedes!!!
Aquí deixamos o cartaz:

lunes, 18 de diciembre de 2017

"VIAL-ROCK" (VIDEOCLIP)

O alumnado de 6º de Primaria da materia de Valores Sociais e Cívicos, seguindo a andaina dos últimos cursos, argallou un traballo audiovisual de un minuto de duración adicado á Educación Vial.
A actividade realízase co gaio dos Premios Nacionais RACE.
Trátase dun videoclip a ritmo de Rock que agardamos sexa do voso agrado!!!


E aquí deixamos os traballos de anos anteriores:


GUÍAS DE LECTURA

Chegaron xa ao recuncho de Tambo as recomendacións lectoras que os Equipos de Dinamización da Lingua Galega do Morrazo nos achegan cada ano.
Hai unha guía para Educación Infantil, outra para Educación Primaria e tamén unhas suxerencias para as familias.
Agardamos que vos orienten de cara aos agasallos do Nadal!!!
Aquí as tedes:




jueves, 14 de diciembre de 2017

"RUXERRUXE NAS ONDAS" (VIDEOCLIP)

O alumnado de 4º de Primaria, dende o Obradoiro de Audiovisuais, preséntanos o seu primeiro traballo deste curso.
Como sabedes, trátase do videoclip que contén a sintonía da Radio-Tv Escolar que estamos a crear no cole: o "Canal Tambo" e o programa "Ruxerruxe nas ondas".
A letra, a melodía, a rodaxe e as escenas foron argalladas polo alumnado durante o primeiro trimestre deste curso.
Os agraciados no casting, cuxas voces aparecen nalgunha parte da canción, foron: Alexia, Yones, Fadwa, Alejandro e Xiana.
Para a coreografía contamos coa colaboración da profe Paloma.
Agardamos que vos guste!!!

miércoles, 29 de noviembre de 2017

O RECUNCHO DA CIENCIA

Neste apartado iremos pendurando diferentes experimentos que o alumnado de 5º de Primaria está a realizar a partires dos recursos que ofrece o recuncho de Tambo.


Iremos mercando pouco a pouco máis fondos bibliográficos relacionados con esta disciplina, xa que a proposta está a ter unha acollida marabillosa.

Comezamos cun experimento de Javier García García, alumno de 5ºA, que nos mostra a construción dun extintor caseiro con materiais moi doados de conseguir.
Agardamos que vos guste!!!


Siro Mulugueta móstranos hoxe como facer un volcán en erupción por medio dunha reacción química.


Sabela Márquez fixo o experimento da botella baleira e a botella chea... de aire!!!


Diego Revestido ensinounos a facer unha fonte de auga coa que quere impresionar á súa nova irmá!!!


Sabela Recamán explicounos o fenómeno do arco da vella... pero líquido!!!


Santiago Otero de 5ºA mostrounos uns trucos feitos con limóns.


Yanire Jiménez mostrounos a súa botella máxica nunha sesión ben divertida...

FARO DA ESCOLA

Hoxe tivemos unha charla con varios traballadores do xornal Faro de Vigo.
Bruno, o Director de Faro da Escola, explicounos o fermoso proxecto no que imos traballar durante cinco meses e no que produciremos un xornal propio, ateigado de noticias do noso interese.
Estiveron presentes tamén un fotógrafo e un xornalista que nos deron moitos consellos para a elaboración.


A actividade está relacionada co PDI que este ano propuxo o recuncho de Tambo: "A maxia de comunicar".
Moito ánimo a todos os TamboXornalistas que ides participar!!!

viernes, 24 de noviembre de 2017

FALS'E TRAEDOR

O alumnado de 5º de Primaria vén de realizar un traballo de investigación en equipo sobre o Pergamiño Vindel que está exposto en Vigo até o 4 de marzo.
A actividade está encauzada no PDI "A maxia de comunicar" e garda relación coa comunicación por transmisión oral.
Como colofón realizaron unha curta baseada nun poema escrito en Marín por Nuno Treez: "San Clemenço do Mar", unha cantiga de amigo nada usual que fala de vinganza e desconfianza.
A idea consistiu en tratar a época trobadoresca dende un punto de vista actual e aparece tamén a temática da igualdade de xénero.
Esa curta foi presentada ao Certame VindeVídeos.


A rodaxe foi na illa de San Clemente e na praia do Santo, en Ardán (Marín).
Estivo organizada polas titorías de 5º de Primaria, a Aula de Educación Musical e o Obradoiro de Audiovisuais.
Contamos coa colaboración da ANPA "Viñas Blancas" para o vestiario, a maquillaxe e o atrezzo.
Queremos dar unha mención especial a Marina e ao avó de Andrea (6º de Primaria) polo seu trato e interese pola actividade.


En breve, ese alumnado realizará un making of da curta e fará unha explicación do proceso a todos os nenos/as do colexio para compartir a marabillosa experiencia.
Deixámosvos con "Fals'e traedor"...
Agardamos que vos guste!!!


-Esta obra está protexida con licencia creative commons: recoñecemento, non comercial e compartir igual.

sábado, 11 de noviembre de 2017

MAGOSTO 2017

O pasado venres 10 de novembro tivemos unha gran festa no Carballal grazas á celebración do Magosto.
Contamos coa participación da ANPA "Viñas Blancas" e coa implicación abraiante por parte das familias á hora de confeccionar as cestas relacionadas co PDI "A maxia de comunicar", proposto polo recuncho de Tambo.
Algunhas desas cestas foron premiadas:


Queremos facer tamén unha mención especial para os nenos/as de 6º de Primaria que participaron como axudantes de excepción.
Pasámolo realmente ben papando castañas, cos xogos, coa actuación musical do alumnado de 1º de Primaria e con algunha sorpresiña máis...
Queremos seguir formando parte da construción da vosa infancia...
Mirade no vídeo unha pequena mostra!!!


Aproveitamos para comunicar que Paco Nogueiras, autor do "Brinca Vai", vén de publicar o seu último libro-disco-dvd infantil en galego titulado "Radio Bulebule" e que moi pronto teremos no recuncho de Tambo.
Trátase dun traballo totalmente relacionado co PDI que estamos a desenrolar no colexio sobre os medios de comunicación.
Botade unha ollada ao vídeo promocional...

jueves, 2 de noviembre de 2017

CASTING PARA O CANAL TAMBO

Queres que a túa voz esté presente na sintonía do programa "Ruxerruxe nas Ondas" da nosa Radio-Tv "Canal Tambo"?
Esta é a túa oportunidade...
Aprende a melodía que atoparás no vídeo, practícaa moito enriba da base musical e preséntate ao casting anotándote nunha folla que deixaremos no recuncho de Tambo.
Os/as seleccionados/as serán gravados na canción!!!
O casting será a semana do 13 ao 17 de novembro.
Pode participar calquer membro da comunidade educativa: alumnado, profesorado, persoal laboral, ANPA, pais/nais, etc.
O retrouso semella sinxelo pero é bastante agudo así que... preparade a gorxa!
Agora que xa temos logo... imos coa sintonía!
Agardámosvos!!!



Unha vez rematada a semana de probas deixamos aquí a actuación de algúns participantes:







Os elixidos aparecerán na canción que gravemos durante o mes de decembro e teredes que agardar ao videoclip para saber quenes foron.
O casting simplemente se fixo para ver a quen lle quedaba mellor este retrouso.
Todos/as cantades estupendísimamente...
Mil parabéns e grazas pola participación!!!

lunes, 30 de octubre de 2017

SAMAÍN 2017

Celebramos un Samaín ben monstroso este curso.
Tivemos unha fermosa exposición de cabazas arredor dunha ambientación de luxo montada pola ANPA "Viñas Blancas".
Polas paredes penduraban inxeniosos pareados de medo e algunha nena incluso veu disfrazada!
Houbo moitísimas cousas relacionadas co PDI "A maxia de comunicar"...
Botade unha ollada!!!


O día grande chegou co agardado túnel do terror que mellora máis e máis cada ano...
A ANPA "Viñas Blancas" deseñou unha serie de actividades de impresión para a rapazada.
Deica o ano que vén Samaín!!!


viernes, 27 de octubre de 2017

DÍA DA BIBLIOTECA ESCOLAR 2017

O pasado martes 24 de outubro celebramos no cole o "Día da Biblioteca Escolar".
Xustiño esa tarde recibimos unha boa nova: o Plan de Mellora de Bibliotecas Escolares de Galicia concedeunos 1600 euros para mercar novos fondos bibliográficos grazas á memoria de actividades celebradas no recuncho de Tambo durante o curso pasado.
En breve, deixaremos un buzón na biblioteca, para que metades dentro as vosas suxerencias de libros para mercar.


Durante a mañá, celebrouse unha sesión de animación á lectura a cargo de Celtia Figueiras, en dúas tandas adicadas a diferentes idades e titulada "Os libros da titiriteira".
A continuacion procedeuse á entrega de premios e mencións especiais aos afortunados creadores dos marabillosos logos destinados á nosa Radio-Tv escolar que estamos a argallar.


Neste vídeo podedes observar como desfrutamos:


O día anterior recibimos tamén no recuncho de Tambo, unha marabillosa sesión de Raquel Queizás, titulada "Un caso azul" que trata sobre a diabete.
Pasámolo realmente xenial...

jueves, 19 de octubre de 2017

XA TEMOS LOGO PARA A RADIO TELEVISÓN!!!

Ao comezo deste curso publicamos un concurso de logos para a Radio-Televisión que estamos a crear no cole.
As súas bases eran as seguintes:


A participación foi realmente espectacular, tal e como podedes apreciar na fotografía...


Na primeira criba que fixo o Equipo de Biblioteca quedaron finalistas catro traballos e déronse catro mencións especiais.


No día de onte procedemos a votar o logo que máis nos gustou e unha vez realizado o escrutinio... xa temos un gañador!!!
Emitíronse 270 votos e un deles foi en branco.


-1º PREMIO: Sabela Márquez de 5ºB de Primaria con 158 votos.

-2º PREMIO: Emma González de 2ºB con 55 votos.

-3º PREMIO: Izan García de 3ºA con 34 votos.

-4º PREMIO: Aldhara Gallego de 6º de Infantil con 22 votos.

-MENCIÓNS ESPECIAIS: María Moldes de 3ºB, Álex e Leyre Parada de 5º e 6º de Infantil, Anxo Crespo de 1ºA e Alexia Fernández de 6ºA de Primaria.

Aquí tedes o logo gañador:


-O logo gañador será o que empreguemos na Radio-Televisión e a súa autora terá un premio consistente nun lote de libros e unha axenda.
-Os autores do 2º, 3º e 4º premio recibirán un libro e unha axenda.
-Os creadores dos logos que recibiron mención especial recibirán unha axenda.

A entrega de premios será o vindeiro martes 24 de outubro no recuncho de Tambo ao rematar unha sesión de animacion á lectura moi especial que temos preparada, xa que esa data, coincide co "Día da Biblioteca".

martes, 17 de octubre de 2017

IDEAS PARA A NOSA RADIO ESCOLAR

Continuamos coas actividades relacionadas co PDI "A maxia de comunicar" e esta mañá, unha representación de alumnos/as do cole, acudiu a un diario dixital de Pontevedra que tamén ten unha canle de radio.


Trouxeron un feixe de ideas para a creación da nosa radio escolar grazas ás explicacións que lles deron os traballadores.
Fixéronlles unha entrevista sobre o "Casares-Tón" e recibiron un fermoso agasallo.
Grazas pola invitación Pontevedra Viva!!!




Premendo neste link podedes escoitar o podcast do programa de radio "Conversas na Ferrería" no que fomos entrevistados:

lunes, 16 de octubre de 2017

"CASARES-TÓN" NO MUSEO MANUEL TORRES

O Ateneo Santa Cecilia de Marín convidounos a un acto o venres 20 de outubro de 2017 no Museo Manuel Torres.


Houbo unha charla de Henrique Monteagudo, membro da Real Academia Galega, que falou sobre Carlos Casares: "Carlos Casares, un contador de historias".
De seguido, algúns representantes do alumnado, presentaron a nosa actividade "Casares-Tón" e proxectouse o videoclip mentres cantabamos.


Queremos dar as grazas pola invitación dende o recuncho de Tambo!!!

viernes, 13 de octubre de 2017

CONCURSO DE CONTOS DE MEDO

O Equipo de Dinamización do Galego do colexio, en colaboración co recuncho de Tambo e o Obradoiro de Audiovisuais, convocou un concurso de contos de medo moi interesante.
Tivemos que inventar un conto de medo en galego que incluíra algún medio de comunicación na súa trama e entregalo antes do 24 de outubro.
O gañador desvelouse o 31 de outubro, día do Samaín, e o seu contiño terá unha adaptación audiovisual ao longo do segundo trimestre do curso (videoclip).
A agraciada é Martina María Carrillo Juncal de 1ºB á que lle mandamos mil parabéns!!!
Aquí o tedes:


Grazas a todos/as por participar!!!

miércoles, 11 de octubre de 2017

FINALISTAS NO OUFF ESCOLA DE OURENSE

O Festival Internacional de Cine de Ourense comunicounos que o noso centro foi finalista na súa sección Ouff Escola con un ou varios destes traballos: "Perreando", "O monstro de Cores", "O cole que queremos" e "Casares-Tón".


A gala de entrega de premios foi o martes 24 de outubro ás 11 da mañá no Auditorio Municipal de Ourense e non acadamos ningún dos tres premios para Infantil e Primaria pero estamos ben orgullosos de ter sido finalistas.
Representounos a aula de 4ºA de Primaria que aproveitou e dou unha voltiña polas Burgas.
Mirade que ben o pasaron!!!


Premede nesta ligazón se queredes ver os gañadores, os membros do xurado e algunhas fotos:



E aquí tedes os traballos finalistas:

                                  



sábado, 7 de octubre de 2017

O CARBALLAL EN RADIO3

Onte fixemos unha actividade relacionada co PDI "A maxia de comunicar" proposto pola biblioteca.
Acudimos a Santiago convidados por Olloboi, CurtoCircuíto e Radio3 ("El séptimo vicio") e desfrutamos dun acto moi completo en torno ao mundo do audiovisual escolar que incluía un programa de radio en falso directo.
Queremos dar as grazas á organización por contar unha vez máis con nós.
A emisión será o vindeiro martes día 10 de outubro ás 20:00 horas.
Pasámolo realmente xenial!!!


Botade unha ollada ao muro de Facebook de Javier Tolentino e poderedes mirar o vídeo  que pendurou e as fermosas palabras adicadas ao audiovisual escolar galego e a vós:


Desde el Centro Gallego de Arte Contemporáneo de Santiago de Compostela

Ana Moreiras es una de las profes del colectivo Olloboi. Un proyecto activista, dinámico y que tiene como objetivo construir la cantera infantil de la cinefilia, transmitiendo el amor por el cine desde la edad en la que uno está empapándose de todo. Supongo que a los organismos oficiales de Galicia estas iniciativas importan muy poquito pero para la sociedad puede ser decisivo. Os dejo un video en el que estos niños colaboraron con El séptimo vicio de Radio 3, ofreciendo a capella su himno, su banda sonora, en lengua gallega hablan de su pasión y de que son niños y no estúpidos. Cuando acabaron preguntaron de todo:
- ¿Te gusta más el cine o la radio?
- ¿Cuál es la mejor película de todos los tiempos?
- El cine más caro, ¿es el mejor?
- En Radio 3, ¿te dejan decir lo que piensas?
- Mi padre dice que Radio 3 es la mejor de todas las radios, yo le creo, pero ¿por qué dice eso?
- Crítico de cine yo no quiero ser, pero director de cine, sí.
Adoro Galicia, sabía porqué, pero este grupo de niños me aportaron la belleza de los mundos perdidos.
En este colectivo de apoyar y ayudar a la cinefilia infantil están además de Ana Moreiras, el actor Miguel de Lira, los directores Alfonso Zarauza, Jaione Camborda, Jorge Coira, Sandra Sánchez, Enrique Otero y Sandra Montes; los dires de foto Alberte Branco y Lucía Catoira (oíreis hablar de ella por Dhogs); el dire de sonido David Machado (se llevó el Goya junto a Coira, por El Desconocido); los guionistas Andrés Mahía, Pato y Araceli Gonda... a todos ellos, muchas gracias, y a los niños, mi más profundo agradecimiento por esta canción que hoy cerrará El séptimo vicio.

miércoles, 4 de octubre de 2017

RECIBIMOS UN PREMIO DA R.A.G.

Hai unhas semanas recibimos boas novas dende a Real Academia Galega.
O seu director, Víctor Freixanes, indicounos que fomos un dos cinco premiados no certame "Contádenos o voso Día das Letras" polo noso traballo "Casares-Tón" que teñen publicado na súa páxina web relacionada coa figura de Carlos Casares (Primavera das Letras).
Invitounos a un acto que tivo lugar o martes 24 de outubro nas súas instalacións e no que acudimos cunha representación da comunidade educativa que participou no videoclip.



Mirade que fermosas verbas nos adicou...


A gala foi moi emotiva como podedes ver no seguinte vídeo... 
Parabéns a todo o Carballal e mil grazas á Real Academia Galega!!!



Ligazón para ver máis fotos e novas: 

http://primaveradasletras.gal/

Prensa: 

http://pontevedraviva.com/xeral/40162/real-academia-galega-premia-colexio-carballal-carlos-casares-reggaeton/?lang=gl

APERTURA POSTAL

O carteiro visitou esta mañá todas as aulas do Carballal para traer correspondencia de Tambo a todo o alumnado.



Nela indicounos cal será o PDI que se propón para este curso: "A maxia de comunicar".
Invitounos a escribirlle unha carta contando o que fixemos durante o verán.
No interior do sobre viña tamén un intrigante xeroglífico sobre un dos primeiros medios de comunicación: a escritura.



Durante o recreo procedeuse á apertura da biblio para este curso 2017-2018 e puidemos ver moitos libros novos nos andeis.


Mirade o que ocorreu na aula de 5ºA...

lunes, 2 de octubre de 2017

GALA EMOVE FESTIVAL

O alumnado de 5º e 6º de Primaria estivo esta fin de semana en Madrid recollendo, en nome de todo o Carballal, os dous premios nacionais que acadamos cos videoclips "Casares-Tón" e "O cole que queremos", producidos no Obradoiro de Audiovisuais.
Trouxeron uns diplomas para o cole e dous trofeos como recoñecemento, pero sobre todo, trouxeron unha experiencia inolvidábel.



Queremos darlle as grazas a todos os implicados en facer este soño posíbel: patrocinadores (Froiz, TecnoPesca, Ediserpo, Gadis, A illa dos Nenos e Setga), Concello de Marín, Xunta de Galicia, ANPA "Viñas Blancas", profesorado, alumnado, pais/nais e Equipo Directivo.
Non podía faltar unha mención moi especial ao alumnado de 6º de Primaria do curso pasado, que xa non está no colexio, pero que participou activamente nun dos videoclips premiados.
Mirade que ben o pasaron!!!


Prensa: 



miércoles, 27 de septiembre de 2017

TAMBONOTICIAS DE BENVIDA

Benvidos ao curso 2017-2018 dende o recuncho de Tambo!!!
Temos un feixe de noticias que contarvos, así que lede con atención:

Este ano imos desenrolar o PDI "A maxia de comunicar", relacionado cos medios de comunicación.
Crearemos unha Radio-Televisión no cole cun magazine audiovisual con: noticias, música, entrevistas, publicidade, etc.
O nome será "Ruxerruxe nas ondas" e xa estamos a traballar no seu himno e creando o seu plató de gravación.
Tentaremos facer un episodio trimestral se todo vai ben.
Nestes momentos estamos seleccionando entre o alumnado o logo e o nome que levará esta canle de tv escolar.
Moi pronto saberemos cal será...


Unha das actividades relacionadas con este proxecto será o vindeiro venres 6 de outubro xa que recibimos unha boa nova: o Festival de Cine de Santiago de Compostela (CurtoCircuíto) vai empregar a Olloboi como referente da súa Sección Canteiras e invítanos, por ser un dos gañadores da edición pasada, a un programa de radio.
A rapazada que elaborou o videoclip "O cole que queremos" cantará en directo e será entrevistada no programa "El séptimo vicio" de Radio3 presentado por Javier Tolentino. 
Xa informaremos sobre o día de emisión...



Recibimos xa as invitacións para asistir á gala de entrega de premios do Emove Festival para recoller os dous galardóns que acadamos con "Casares-Tón" e "O cole que queremos" na sección videoclips, que será este sábado en Madrid.
Deixamos unha ligazón onde podedes ver a presentación en TVE da Directora do Festival dentro do programa "La aventura del saber"(no minuto 6:10):



E por último recordade este consello de Tambo:

miércoles, 13 de septiembre de 2017

ACTIVIDADES DE CINE NO FICBUEU

O alumnado de 4º de Primaria que este curso comeza coa materia de Audiovisuais, fixo hoxe unha saída ao FicBueu (Festival Internacional de Curtas de Bueu) para motivarse coa nova andaina.
Desfrutaron da proxección de 8 curtas de diversos países como Francia, Italia ou Rusia.



As curtas foron seleccionadas pola organización e pertencen ás Seccións Infantil e Xuvenil.
A que máis nos gustou foi: "A nosa marabillosa natureza: o camaleón común".



Ao rematar fixéronnos unhas fotos de grupo e merendamos nun parque moi chulo preto do mar que conta cunha fonte na que xogamos moito.




Deica o ano que vén FicBueu!!!

Podedes seguir o festival polas redes sociais premendo na seguinte ligazón:

https://www.facebook.com/fic.bueu/

domingo, 10 de septiembre de 2017

GALA FICBUEU 2017 E MERCADILLO EMOVE

Esta mañá asistimos á Gala de Premios da Sección Escolas do FicBueu 2017 onde recollemos o noso recoñecemento como finalistas polo videoclip "O cole que queremos".
Mil parabéns a todos os gañadores e á organización do festival por un cartel de actividades realmente brillante...
Máis información na ligazón do Facebook do FicBueu: 

https://www.facebook.com/fic.bueu/

http://ocio.farodevigo.es/cine/noticias/nws-612357-astral-cousas-vellos-a-chave-6000-presos-premios-centros-educativos.html



E durante todo o día de hoxe temos un stand no Mercadillo de Marín onde se están a vender obxectos novos e de segunda man para recaudar fondos para a viaxe a Madrid na que recolleremos os dous premios que obtemos no Emove Festival de caracter estatal polos videoclips "O cole que queremos" e "Casares-Tón".
Animádevos que aínda quedan cousas!!!

lunes, 14 de agosto de 2017

FIC BUEU: SOMOS FINALISTAS!!!

Acaban de comunicarnos dende o FIC Bueu (Festival Internacional de Curtas de Bueu) que o noso centro é finalista co videoclip "O cole que queremos" na Sección Escolas.
O traballo será proxectado co resto de finalistas o vindeiro domingo 10 de setembro ás 11:00 horas no Centro Social do Mar de Bueu e acto seguido a organización desvelará cal é o gañador.
A rapazada implicada (4º de Primaria do curso 2016-2017) pode asistir coas súas familias a este acto pero debe facer unha reserva con anterioridade chamando ao teléfono do colexio a partir do día 1 de setembro xa que hai un aforo limitado.
Ao longo do día haberá unha serie de actividades culturais para os máis pequechos: O Mago Paco co espectáculo "O Cinematómago", proxección dunha selección de curtas da Sección Familiar e "Contos de película" con Olalla González.
Podedes ver máis información premendo na seguinte ligazón: 

https://www.ficbueu.com/es/escolas/

Moitos parabéns e sorte!!!