HIMNO DO RECUNCHO DE TAMBO

Este vai ser o himno da nosa biblioteca. É un tema de Pablo Díaz titulado "O Libro" do seu disco "Tic Tac" que todos/as coñecedes.
Podedes escoitalo premendo no seguinte video.

SESIÓN DIDÁCTICA CON ABRAHAM CARREIRO

Hoxe tivemos unha sesión didáctica co ilustrador Abraham Carreiro que semellou ter, alomenos, a mesma calidade artística có seu pai, o famoso debuxante Pepe Carreiro, autor dos Bolechas. Esta é a primeira actividade importante da biblioteca para este curso 2011-2012. A sesión estivo dirixida ó alumnado de segundo e terceiro ciclo de Primaria. Nela aprendemos a debuxar animais de forma sinxela, práctica e efectiva. Ó final deixounos un fermoso agasallo: a súa propia versión de Tambo, a nosa mascota de biblioteca. Podedes ver eiquí as fotografías e algúns dos nosos debuxos.

 

INAUGURACIÓN DO NOSO BLOGUE

O Equipo de Biblioteca do C.E.I.P. do Carballal da por inaugurado este blogue por medio desta entrada.
Pouco a pouco iremos colgando novas entradas nas que poderedes ver información xeral da biblioteca, recomendacións literarias, fotografías, actividades desenvolvidas e moitas sorpresas máis.
Nestes momentos estamos a restaurar a nosa biblioteca e estaremos pechados por un tempo, pero dentro de moi pouco faremos unha presentación para toda a comunidade educativa.
Haberá unha distribución nova dos espazos, teremos unha zona habilitada para ordenadores, novos fondos bibliográficos, mobiliario e moita decoración.
Podedes ver nestas fotos o estado actual da biblioteca.
Cando estea lista poremos unha galería actualizada para que poidamos ver a diferencia 
Ata pronto amiguiños/as!!